middies sport

Dogtershokkie

Middies Dogtershokkie Logo Groen

MIDDIES neem deel aan die PUK Super 16 Reeks, daarna speel ons in die Mpumalanga Makroskole-liga gevolg deur die Noordvaal uitspeelwedstryde. Middies-hokkie is 'n krag om mee rekening te hou, soos wat die vele Noordvaal finale getuig.

Dogtershokkie spog met puik prestasies in eeufeesjaar

Hokkiedogters Medium

O/16 is Noordvaal-wenners. Voor: Nicole Patricio, Lorinda Schwartz, Chané Grey, Trinity du Preez, Eugenie Botha en Adri Kühn. Agter: Tamicke Clark, Michaela Klopper, Zuné Blom, Gia Hening, mev. Alti Nel (afrigter), Miné Nelson, Tamiké Weller, Alissa de Wit en Ané Fouché.

Deur Kyrie Taljaard

Middelburg Hoërskool se dogtershokkie het in die eeufeesjaar nie teleurgestel nie.
Die 0/14A-span word deur juffrou Annika en meneer Waldo Prinsloo afgerig. Hierdie juniorspan eindig as ligawenners en ook Mpumalanga-naaswenners. Uit hierdie dogters word die volgende vir die provinsiale span verkies: Asley Pearson, Jenna Marshall, Inge Grey en Hlobisile Mahlangu.
Juffrou Kobie Botha rig die 0/15B-span af en hulle tree as ligawenners uit die stryd.
‘n Ou bekende en geliefde, oom Gerrie Kasselman, neem die 0/15A-span onder sy vlerk en hulle eindig as liga-naaswenners. Genevieve Hambidge word tot die Mpumalanga A-span verkies.
Die eerstespan dogters word deur juffrou Anne-Marie Wilke afgerig en hulle presteer soos gewoonlik na wense. Hierdie dogters eindig as ligawenners en is naaswenners in beide die Super 16- en Mpumalanga-finale. Lara de Villiers word opgeneem in die Mpumalanga A-span, terwyl Lara Straus en Zannenlee Venter in die B-span is.
Die baie ervare juffrou Alti Nel het die 0/16A-dogters hierdie jaar vir die eerste keer afgerig en hulle tot besonderse hoogtes gelei. Hierdie dogters is liga-naaswenners, PUK Super 16-naaswenners en Mpumalangawenners. Met die Noordvaal uitspele wen hulle Waterkloof 4-2 in die finaal met ‘n spannende 8 sekondes en eindig uiteindelik as algehele Noordvaal-wenners!
Die volgende 0/16-dogters word gedurende die seisoen in die provinsiale spanne opgeneem: Mpumalanga A: Miné Nelson, Trinity du Preez (sy is ook onderkaptein), Chané Grey en Michaela Klopper. Mpumalanga B: Gia Henning. Mpumalanga C: Eugenie Botha.
Middies is trots op elkeen van hierdie talentvolle dogters en wens elke afrigter geluk met die uitstaande prestasies in hierdie eeufeesjaar.
Kriekie van Wyk matrikuleer in 2013 en is een van MHS se hokkiesterre. Sy is onder andere gekies as lid van die Junior World Cup. Haar boodskap aan die hokkiedogters is: “Ek kan met eerlikheid sê dat Middies my so baie gehelp het om te kom waar ek vandag is. Almal daar het my geleer hoe om gedissiplineerd en 'commited' te wees. Hulle het my geleer wat dit is om uithouvermoë te hê en die beste van elke situasie te maak. Die belangrikste is dat ek by MHS geleer het dat enige iets moontlik is. My leuse is: ‘Play every game as if it is your last’. Moet ook nooit vergeet waar jou talente vandaan kom nie.”